NORTH MIZORAM DISTRICT PYD CHANCHIN

- Evan. K.Rotluanga
Secretary
N.Mizoram District PYD

A hmasain North Mizoram District PYD ten kum 60 (1961-2021) hmel kan hmu thei hi a lawmawm hle mai. Harsatna leh buaina karah pawh kan hma a hruaitu kal hmasaten zum leh hriam karah PYD hamsawnna atan theihtawp an lo chhuah hi fakawm kan ti a, zahna chibai kan buk a ni. Kohhranin hun harsa tak tak kan tawh karah tha leh zung sengtu te avanga kum 60 hmel hmu thei kan ni hi lawmawm kan ti a. N.Mizoram District PYD hruaitu leh member lo ni tawh zawng zawng te zahna chibai kan buk hmasa che u a ni.

Kohhran thalai pawl din anih hnu hian mumal taka thil kalpui nghal a harsat avang leh ziaka thil vawn that thlap hmuh tur a tam tawk loh avangin thil chhuilet a harsa hle mai a. Kan record hmuh theih ang ang atanga kan chhuiletna te kan han tarlang mai dawn a ni. District PYD hi mumal taka din anih hma hian Bial leh local lam te chu din a lo ni ve tawh a. Kan chhui theih thuk berah chuan N.Mizoram District PYD hi 4th march 1961 a din niin kan ngai a, General Conference vawi 11-na minute a kan hmuh angin 4th march, 1961 hi PYD din ni atan kan pawm ta ni.

Thalai pawl chanchin hmasa lam (International) :

United Pentecostal Church kum 1945 September ni 25-a din anih khan thalai pawl din turin hmalak ve nghal a ni a, hemi atan hian hmalatu tur committee fimkhur taka din a ni a. he committee hian pawl hming leh pawl thiltum te buaipuiin hun leh tha tam tak sengin hna an thawk a. Tichuan, kum 1946 September thla a UPC khawmpui lian General Conference chuan thalai pawl din chu pawmpuiin a hming atan “Pentecostal Conquerors” tih chu an hmang tan ta a ni.

Hetia thalai pawl din anih takah chuan thalaite an phur hle a, Thalai pawl thuchhuahna tur Conqueror Thread (Chanchinbu ni tura ngaih a ni) te siam in Thalai pawl hla tur te siam fel thlap a ni. Tunlai ang deuhin Logo te pawh buatsaih a ni leh zel a. Kansan District Pentecostal Conquerors President RE Nichils chuan phaw lemah hawrawp P leh C Kraws in dai danin logo tur a duang a, More than Conquerors (Hnehtu aia ropui zawk) tih a chuang nghe nghe a ni

Thalai pawl chanchin hmasa lam (Mizoram) :

Zoramah Kristian Thalai Pawl (Presbyterian & Baptist) din anih khan thlarau harhna leh rawngbawlna vaw dai thei turin ngaihtuahna an seng a, khawthlang nun zia mil in Tonic Solfa nena enkawlin Solfa zai chu ngaihsan an in zirtir a. Biak ina sang tak taka khuang khat a zai te leh Solfa thiam ngaihsan chu thalaite rilruah an tuh a, thalaiten changkang ta riauvin an in hre ta bawk a ni. Hengte hi thlarau lam harhna leh taksa chetna lam te vuak daihna hmanrua berah an hmang ta nghe nghe a ni.

Thalai pawl a ding ta :

Hetiang taka Solfa zai tih lar anih takah leh thlarau lam in epna a lo awm takah chuan Pentecost mi hmasa/nu leh pa te chuan thalai pawl din ve chu an ngaihsak vak ta lova. Thlarau lam aia solfa te buaipui/uar a, Presbyterian note an nih an hlauh vang a ni. Thlarau hnathawh dal thei chi reng reng chu Pentecost nu leh pa te chuan an hnualsuat leh do ve avangin thalai pawl din tul tih lohna a awm a ni. Mahse, a tulna in a nang a ni chek ang a, UPC din atanga Kum 11na March 4 1961 ah thalai pawl din chu General Conference ah an ti tlu ta a ni.

In epna karah leh nu leh paten support chiah lo mahse thalaite zingah rualawhna a awm tlat si avangin hmun thenkhatah kohhran thalai chu din chhoh ve a ni ta a. Khawiah nge a din hmasak bera, engtin nge hma a sawn zel tih hi chhui leh hriat a harsa tawh khawp mai a, rambuai (1966) hmalamah hian a ding rihlo tia sawi a tam a ni. Amaherawhchu, N.Hlimen Bial chuan Kolasib-ah thalai Bial khawmpui 1958 khan kan nei tiin R.Tawnluia LcH Vairengte chuan a sawi a, Zohmun Bial pawhin 1960 hmalam khan an nei ve bawk a ni awm e. Headquarters Local PYD te chuan an chanchin chhuiin 1958 khan an ding ngei niin an hria a, 2018 khan Diamond Jubilee an lawm nghe nghe. Bial leh Local hrang hrangah PYD hi a ding hma hlawm hle a, mahse District huap hian kan nei har deuh a ni mai zawk awm e.

District PYD din a ni ta :

Bial leh local-a kohhran thalai lo ding ta chu enkawl tur leh huikhawm turin District lamah pawh din tul tihna a awm ni ngei tura ngaih niin Headquarters Biak ina General Conference vawi 11 na (4th march, 1961) rorel 4-na ah thalai pawl chungchang kan hmu ta a. “Pentecostal Conquerors thu : President a lo thleng tawh a, a kutah awm sela tih a ni” tiin. He thu hi a tawi hle mai, inziah belh pawh a awm chuang lova, tawi hle mahse a hlutna erawh a bo chuanglo a ni. ‘Pentecostal Conquerors thu’ ti a agenda hi siam anih avang leh President pawh an ruat tawh ngei avangin hei (4th march, 1961) aia hma hian thalai pawl hi a ding ngeiin a rin zawn theih a. Amaherawhchu, District/General huapa thlai pawl chungchang ziaka kan hmuh theih hla ber leh thuk ber anih avangin 4th March, 1961 hi N.Mizoram District PYD din ni tak atan pawm a ni ta a ni. President hmasaber hi C.Chhuanvawra tura rei tak ngaih anih tawh laiin (United Pentecoatal Church : North East India Unit : Thlai Pawl Kaihhruaina, Buatsaihtu KL Hnuna, General President, Thalai pawl (Printed at the nazareth Press, Mission Veng, Aijal. 1/12/1961) ah hian chiang takin KL Hnuna hian President hmasaber anih thu a ziak a. President a lo thleng tawh a, tih pawh hi KL Hnuna ngei hi a ni tih a chiang ta a ni.

Heng hunlai hian Mizoram pumpui hi Disatrict khatah kan la awm vek a, Aizawl pawh bial khat chauh ala ni pha a. Rampum huap khawmpui hi General Conference tih ani thin a, 1965 a Lunglei District (hetih lai hian S.Mizo District tiin an sawi a ni) a indan takah chuan hmar lam hi North Mizo District tih hming a lo pu chho ve ta bawk a, General Conference chu District Conference in a thlak a ngai ta a ni. General Conference tih avang khian tuna North east India Unit nen hian ngaihpawlh loh hram a tha e. Kum 1961 chho velah khan North East India Unit din ala ni lova, India Unit hnuaiah Mizoram kha District pakhat angin kan awm ve a ni zawk.

Pentecosatal Conquerors, Thlai Pawl, Young People Department tih te hi PYD hming hmasa (an koh thinna) a ni a. International-ah Pentecostal Conquerors tih anih avangin Pentecosatal Conquerors tih hi a lar ta ber a ni. Amaherawhchu Zoram Buai/Insurgency Problem in Mizoram (1966) avangin pawl hming atan Conquerors (Hnehtu) tih hi put a him lo hle a hriatna leh hlauhthawnna a awm bakah phal ani lo chho ta a. North East India Unit 21st March, 1969 a din anih khan thalai pawl hming atan Pentecostal Youth Department tih hi hman tan a lo ni ta a, Pentecostal Conquerors chu Pentecostal Youth Department (PYD) tiin thlak a ni.

Hriat ve atan :

India Unit atanga kum 1969 March ni 21 a North East India Unit a indan tak atang khan thalai pawl hi Pentecostal Youth Depatment tia koh anih bakah a din ni atan 21stMarch, 1969 hi pawm niin kum tin PYD Day atan kan hmang thin a. Tuna kan sawi leh chhui ber hi chu North Mizoram District PYD chanchin leh a din ni tak a ni tih hriat a tha awm e. Mi tam takin hriatpawlhin PYD Day hlutna tih bo leh luahlan tum anga ngai kan awm a, a tha lo hle mai. District huapa PYD din hmain Local leh Bialah din ani tawh tih kan sawi tawh a, khatiang ang khan General PYD din hmain District PYD hi a ding tawh tihna mai zawk a ni. 21st March hi PYD Day (General huapah) a ni a, 4thMarch thung erawh District PYD Rising day (N.Mizoram) a ni zawk a ni. Hun lo la kalzel turah erawh 4th march, 1961 hi Rampum huapa PYD din ni atan official-a pawm anih tawh avangin PYD Day atan pawh kan thlang leh zawk maithei bawk, YMA pawh 1935 kha chuan YLA tih hming pu a din anih kha.

Kum 2018 District PYD Board vawi 1-na (31/5/2018) chuan District PYD din ni tak hre tura hmalak ni se ti a passed in OB ten lo zir chiang se tiin a rel a. OB ten theih ang angin an zirchiang a, document hlui te hai chhuakin General Conference vawi 11-na rorel 4-na 4thMarch, 1961 chu District PYD chungchang inziahna document kan hmuh theih thuk ber a ni a. Ni 22/ 11/2018 a District PYD Board vawi 2-na Rorel 1-na chuan uluk taka thlirin PYD din ni atan a pawm ta a, Kohhranpui approved tura thlen nghal a ni bawk. Ni 7/12/2018 District Kohhranpui Board chan nguntaka ngaihtuahin min lo pawmpui ve ta a ni.

Kum 2019 District PYD Board vawi 1-na (26/3/2019) rorel 6-na chuan “District PYD Din ni hi hriatreng anih theih nan a hmingah PYD Rising Day tih ni se la, Kohhran Calendar ah tarlan anih theih nan Hotute hnenah thlen ni se tiin a pass a. District atangin Circular siam a kum tin message te thawnchhuah ve thin ni se la, Bial leh tualchhung PYD ten a theih ang angin hman thin ni bawk se. District Inenkawlna Dan-ah Rising Day chungchang hi dah luh tel ni bawk se” tih chu passed a ni. N.Mizoram PYD ten kan din ni kan hriat atanga kum 3 a ral meuh chuan Diamond Jubilee (kum 60) kan lo thleng ta reng mai a, hrechhuak har deuh mah ila a hlutna erawh a bo chuang lova. Ropui taka lawm anih theih nan District PYD Board chuan Jubilee Celebration Committee te hial a din a, anni hian ropui thei ang bera lawm turin nasa takin hma an la nghal bawk a ni.

District PYD Hruaitu lo ni tawh te

District President

Upa KL Hnuna 04.03.1961 - 29.05.1967
Evan. C.Chhuanvawra 29.05.1967 - 28.03.1968
Evan. Saisanga 28.03.1968 - 24.03.1971
Evan. C.Zairemliana 24.03.1971 - 07.03.1974
Rev. Saisanga 07.03.1974 - 15.03.1975
Evan. H.Dingliana 15.03.1975 - 24.10.1980
Rev. C.Challianngenga 24.10.1980 - 24.03.1986
Evan. H.Lalrinliana 24.03.1986 - 10.03.1994
Evan. JH Lalsawmliana 10.03.1994 - 30.03.2004
Pastor Lalmalsawma Sailo 30.03.2004 - 30.03.2008
Rev. C.Lalramthanga 30.03.2008 - 23.03.2012
Evan. Lalpianthanga 23.03.2012 - 01.08.2012
Evan. Challiana 01.08.2012 - 29.03.2016
Evan. F.Lalngaihawma 29.03.2016 - 17.03.2020
Evan. Jeno Vanlalruata 17.03.2020 - 25.03.2024
Rev. B. Vanlalruata 25.03.2024 - Till Date

District Secretary

Evan. Vanzama 04.03.1961 - 1963
Bro. Thanliana 1964 - 1967
Evan. Ngurlawma 1967 - 12.03.1970
Evan. Lalsanga 12.03.1970 - 24.03.1971
Evan. R.Laithangpuia 24.03.1971 - 18.12.1974
Pastor K.Darsailova 18.12.1974 - 15.03.1975
Evan. Hmingthanchama 15.03.1975 - 21.10.1981
Rev. H.Vantluanga 21.10.1981 - 01.04.1986
Evan. R.Vanlalawia 01.04.1986 - 13.03.1990
Evan. Vanlalsipaia 13.03.1990 - 10.03.1992
Evan. C.Lalmuanpuia 10.03.1992 - 01.06.1994
Pastor Ngurthanpara Sailo 01.06.1994 - 19.09.1995
Evan. R.Lalnunsanga 19.09.1995 - 11.10.1996
Evan. Lalmalsawma Sailo 11.10.1996 - 15.03.2004
Evan. Lalruatkima fanai 15.03.2004 - 24.03.2006
Evan. Lalchuailova 24.03.2006 - 24.03.2010
Evan. C.Lalthantluanga 24.03.2010 - 15.03.2011
Evan. Lalpianthanga 15.03.2011 - 23.03.2012
Evan. Allan Laldawngliana 23.03.2012 - 29.03.2016
Evan. Dr. Lalmuanpuia 29.03.2016 - 23.03.2018
Evan. K.Rotluanga 23.03.2018 - 26.03.2022/li>
Evan. C. Lalrutsanga 26.03.2022 - 25.03.2024/li>
Evan. K. Rotluanga 25.03.2024 - Till Date/li>

District Treasurer

Evan. Vanzama 1961 - 1963
Bro. Thanliana 1964 - 1967
Evan. Ngurlawma 1967 - 1969
Bro. Vanlalvena 12.03.1970 - 03.10.1972
Evan. Sapnghaka 03.10.1972 - 15.03.1975
Evan. Hmingthanchama 15.03.1975 - 20.10.1981
Rev. H.Vantluanga 20.10.1981 - 18.03.1986
Evan. R.Vanlalawia 18.03.1986 - 13.03.1990
Evan. Vanlalsipaia 13.03.1990 - 10.03.1992
Evan. C.Zahnuna 10.03.1992 - 11.03.1993
Evan. C.Lalmuanpuia 11.03.1993 - 01.06.1994
Sis. C.Lalbiakhluni 01.06.1994 - 13.12.1995
Sis. R.Lalrinsangi 13.12.1995 - 07.04.1998
Evan. Lalchuailova 07.04.1998 - 24.04.2006
Evan. C.Lalthantluanga 24.04.2006 - 01.06.2010
Bro. Zohrangchhuana 01.06.2010 - 23.03.2012
Evan. R.Lalthlamuana 23.03.2012 - 29.03.2016
Evan. Allan Laldawngliana 29.03.2016 - 23.03.2018
Evan. Vanlalpeka Fanai 23.03.2018 - 17.03.2020
Evan. C.Lalruatsanga 17.03.2020 - 26.03.2022
Evan. K. Rotluanga 26.03.2022 - 25.03.2024
Evan. Lalmuanawma 25.03.2024 - Till Date

District Vice President

Evan. Lalruatkima Fanai 28.03.2006 - 24.03.2010
Bro. K. Lalngilneia 24.03.2010 - 23.03.2012
Evan. F.Lalngaihawma 23.03.2012 - 29.03.2016

District Assistant Secretary

Bro. Vanremsanga 24.03.2006 - 24.03.2010
Evan. Lalpianthanga 24.03.2010 - 23.03.2012
Bro. Dr. Lalmuanpuia 23.03.2012 - 29.03.2016

District Conference (Selected years & locations)

Kum 1964 khan Pastor R.Thangliana chuan Lailak atangin District Headquarters-ah member fee thehluh a tum chu District lamah dawng tu tur an awm loh thu a sawi a. He thu atang leh sawitu dang te chuan District PYD hruaitute hian hna an thawh tan tak tak chu kum 1967 hnu lamah khan niin a lang. Hruaitu hmasa te hi an chak loh leh ngaihsak loh vang lam a, inkalpawh leh inbiakpawh te ala harsa a, a huhova hmalaknaah harsatna lian tak a awm niin a lang. Kum 1967 ah President Evan Chhuanvawra chuan khaw tam takah PYD din tura an chhuah thu leh din a harsat thu a sawi bawk.

Kum 1968-2020 chhunga District Conference lo neih tawhna hmun hriattheih chin te:

1968 - Aijal;
1969 - Aijal;
1970 - Aijal;
1971 - Aizawl Headquarters;
1972 - Aizawl Headquarters;
1973 - Aizawl Headquarters;
1974 - Durtlang Mual Veng;
1975 - Kawnpui Hmar Veng Biak in;
1976 - Thingsulthliah;
1977 - Sialsuk;
1978 - Bilkhawthlir ME School;
1979 - Tlangpui YMA Hall;
1980 - Champhai Zote, LP School II;
1981 - Zemabawk, Aizawl (LP School III);
1982 - Thingsulthliah Biak in;
1983 - Khawzawl;
1984 - Serchhip;
1985 - Durtlang Mel nga;
1986 - Kolasib;
1987 - Darlawn Biak in;
1988 - Thenzawl;
1989 - Champhai Kahrawt;
1990 - Chaltlang, Aizawl;
1991 - Rabung;
1992 - East Lungdar (Silver Jubilee Conf);
1993 - Mamit;
1994 - Serchhip;

1995 - Kolasib Venglai;
1996 - Headquarters Bial, SAI (Mission Vengthlang);
1997 - Sumsuih, Sialsuk Bial;
1998 - Thenzawl vengpui;
1999 - Durtlang;
2000 - Bairabi Playground;
2001 - Khawrihnim, Kanghmun Bial;
2002 - Tuikual, Dinthar Bial;
2003 - Mamit Town Hall;
2004 - Vairengte Town Hall;
2005 - Sialsuk;
2006 - Rengdil;
2007 - Sihphir;
2008 - Tourist Lodge, Chaltlang (Rorel chiah);
2009 - Lungleng;
2010 - Headqurters, Aizawl;
2011 - Bilkhawthlir;
2012 - Headquarters, Aizawl;
2013 - Sialsuk;
2014 - Dinthar;
2015 - Thenzawl;
2016 - Kolasib Tumpui;
2017 - Kanghmun (Golden Jubilee Conf);
2018 - Maubawk Biak in (Kohhranpuia beh kum);
2019 - Lengpui (Govt. H/S Playground);
2020 - Headquarters, Aizawl (Rorel Inkhawm chiah)

District PYD Statistics (Hriat/Chhui theih chin):

Statistics lamah hian kan pachhe viau mai a, hmasawnna tur tam tak kan nei awm e, ziaka vawnthat thlip thlep hmuh tur avang hle a, kan vawn that ve chhun pawh kan lo nei chipchiar lo khawp mai. Kum thenkhatah phei chuan District Conference a bial report luh kim loh avanga member zat kiam ta daih te pawh a awm nawk a. Tin, Kohhranin harsatna tawkin kum 1994-a Aizawl East District indan leh Mizoram UPC lo pian vangin member kan kiam nasa hle a.Amaherawhchu Lalpan min thawhpuia, malsawmna tam tak dawngin member strengthah pawh Kohhran buai hma kan khum leh ta a ni. Lalpa fakin awm rawh se.

Kum Member Zat

1979 3850
1980 Nil
1981 2093
1982 2307
1983 Nil
1984 3679
1985 Nil
1986 4916
1987 4177
1988 4177
1989 Nil
1990 Nil
1991 Nil
1992 6252
1993 6037
1994 1410
1995 2212
1996 2515
1997 2704
1998 2671
1999 1088

Kum Member Zat

2000 2765
2001 1118
2002 2996
2003 3133
2004 3461
2005 3505
2006 3469
2007 3556
2008 3883
2009 3923
2010 4455
2011 4436
2012 4816
2013 4862
2014 5388
2015 5633
2016 5861
2017 5615
2018 6113
2019 6583
2020 6759

District PYD Chanchin